حضرتك بتصلي ليه؟؟؟؟؟؟؟؟؟؟؟؟؟؟

In The Name Of Allah
peace be upon Muhammad the prophet
and peace be upon all of you
ــــــــــــــــــــــــــــــــــــــــــــــــــــــــــــــــــــــــــــــــــــ

بسم الله الرحمن الرحيم
اللهم صلي على محمد وعلى آل محمد كما صليت على إبراهيم وعلى آل إبراهيم
السلام عليكم ورحمة الله وبركاته
ـــــــــــــــــــــــــــــــــــــــــــــــــــــــــــــــــــــــــــــــــــــــــــ

بصراحة تدوينة النهاردة انا مقتبسة فكرتها من وجهة نظر المذيع المعروف أحمد العسيلي من برنامجه حبة عسيلي او عسيلي في الشارع مش فاكرة اسمه بالتحديد المهم كان بيسأل انت بتصلي ليه؟؟؟؟؟؟؟؟؟؟؟؟؟؟؟؟ وطعبا السؤال له هدف انا هاستنى إجابات حضراتكم وبالله عليكم لا تبخلوا بها علي لان تعليقاتكم وإجايتكم هيتم إدراجها في الموضوع ولن اعتبرها مجرد تعليقات مستنية حضراتكم بإذن الله

بـــــتــــــــــــــــــصــــــــــــــــلـــــــوا لــــــــــــــــــــــيـــــــــــــــــــــــــــــه؟؟؟؟؟؟؟؟؟؟؟؟؟؟

Frankly codification today, I borrowed the idea from the standpoint of the radio broadcaster known as Ahmed Alasili of its grain Asili Asili or in the street, not remembering his name was specifically but i want to ask all of you Why do you pray to God((Allah)) ????????????????

Of course, the question has it`s goal ...........but I will wait to hear the answers from you and God you do not obscure out because your comments
and your responses will be included in the subject will not be considered merely comments

WHY DO YOU Pray???????

ـــــــــــــــــــــــــــــــــــــــــــــــــــــــــــــــــــــــــــــــــ



بعد تفاعل حضراتكم الكريم مع الموضوع انا قلت نكمل الموضوع
واحنا في 3 رمضان 1429

يا رب اللهم احسبه لنا لا علينا

هابدأ ادرج آرائكم كاملة بإذن الله في الموضوع كما وعدتكم

ونعرف كلنا كل واحد/ة بيصلوا ليه


ـــــــــــــــــــــــــــــــــــــــــ

محمود العيسوي said.

سؤال جميل وهو من السهل الممتنع وعموما مشاركه مني بس ممكن أجاوب بأحد الإجابات اللي عندي وهي مثلا
أنا أصلي حتى تكون صلتي بربي قائمه ومتصله وعلشان هي السبب الرئيسي في مواجهة مشقات حياتي وبسببها أنا دائماً من أصحاب النفوس الهادئة المستقرة
طبعا وفي أسباب كتييييييييير جدا ولكن أترك لباقي أخوتي مجال للحديث
وجزاكي الله خيرا يا مفقووووعة

شعراء كلية الاعلام said...

بتصلى ليه ؟
سؤال غريب على فكرة
عمرى ما سألته لنفسى بصراحة
..............
بصى
هو ربنا قالى اعمل واحد اتنين تلاته دا فرض
والرسول صلى الله عليه وسلم قالى واحد اتنين تلاته دا سنة
وما بين الفريضة والسنة عبادة
...........................
هارد رد اى طفل صغير يقدر يقوله
بس كفاية انى حاسه
عشان بحب ربنا ومش ع اوزه يزعل منى بصلى عشان هو قالى كدا


بالظبط زى ما والدى بيقولى انزل هاتلى بنص جنية لانشون
ومع ان مفيش بنص جنية بس هانزل عشان اسمع كلامه لانى بحبه

...................

مين دا ؟
مين اللى لما ربنا يقول حاجة يقوله ليه ؟
الطبيعى ان الفريضة تقام ومن غير سؤال

ان الصلام كانت على المؤمنين كتابا موقوتا
بس خلاص
كتاااااااااااااب
يبقى وتمت

ربنا أمر وليس بعد امره قول ولا جدال


.................

عشان بحبك يا رب

والله اعلم


محمد خالد



امال سامي said...


بعد كلام محمد مفيش كلام

فعلا لاننا بنحب ربنا واما ربنا يؤمرنا بحاجة نقول سمعنا اطعنا
مش نقوله ليه


soha said...

Simply cause i need to talk to the Boss ( SWT ) the lord .. if not him then whom i will cry to , whom i will beg to 4give me ,whom i will complain to , whom i will ask for support and mercy

plus it`s a must... that`s it



رنا said...

اول ماقريت السؤال ده استغربت انا بصلى ليه؟ عشان لما بصلى بقرب من ربنا اكتر لما بصلى برتاح اكتر لانى لو مصلتش مش هقدر اعيش حياة وانا مرتاحة ده


Anonymous said..
بصلى علشان ارضى ربنا و علشان يساعدنى بس بصراحه اوقات كتيره اوى بكسل و بعدها بندم كتيييييييييييييير


نورهان محمود


pinky gogo said...

فكرتينى باول اغنية حفظتها فى المدرسة كنا بنغنيها فى الطابور :)
"اركان الاسلام دول خامسة ...فاكرينهم و لا يمكن ننسى."
فطبعا الصلاة فريضة و ركن اساسى من اركان الاسلام
بس لما قريت السؤال انا حسا انك عاوزة تعرفى
هل احنا بنصلى عشان ربنا امرنا و انها فريضة و دة كلام مفيهوش جدال طبعا
و لا فى دوافع تانية بجانب دة
هل كل واحد فينا مع ال5 صلوات فى كل يوم من الاسبوع
بيقدر يجدد ايمانه مع كل صلاة و يعيش اللحظة الحلوة فى القرب من الله سبحانه و تعالى
ولا هى فى حالات و حالات ...
لا شك ان الخشوع بيزيد لما بنكون محتاجين ربنا او عندنا مشكلة و هو الملجا الوحيد
وبردو لما الواحد يبقى طاير من الفرح و حاسس انه عمل انجاز كبير و ربنا كرمه اوى ...فلازم يصلى و يسجد و يشكر ربه على النعمة و يتمنى عدم زوالها
طب ما بين كدة و كدة اللى هو الحالة الطبيعية ؟؟؟
:)
بردو بنصلى عشان لو مش حنصلى للاله الواحد الاحد حنصلى لمين ؟ و لو مكنتش صلتى بربى قائمة كل يوم ..شكل يومى حيبقى عامل ازاى؟؟.... اكيد ملخبط و ملعبك و غير ميسر...و احساس بعدم الراحة و ان فيه حاجة ناقصة فى يومى ..
حتى دايما الواحد لما بيكون مصلى اللى عليه و داخل ينام بيقول ايه
"الحمد لله انا صليت العشاء ..و ينطلق الى السرير
فهى حاجة بدونها تشعر بالنقصان
و بيها تشعر بالراحة و الاطمئنان
بارك الله فيكى يا نهلول
و ان شاء الله رمضان السنة دى يزيدنا خشوعا و ايمانا و يهدينا جميعا
يلا محدش ينسى التراويح بكرة بقى
رمضااااان كرييييييم
جهاد

E` said...

hey i'm here!!!!!


but I can't understand most of the articles here -_-...

^_^~


Anonymous said...

السلام عليكم و رحمة الله و بركاته
الصلاة ديه من اهم العبادات اللي الواحد لازم يواظب عليها و هيا عماد الدين و اول حاجة بيتحاسب عليها الانسان فان صلحت صلحح العمل و ان فسدت فسد العمل و المفروض عشان الصلاة تتقبل من ربنما لازم يكون فيها خشوع مش ان احنا نصلي عشان نكون عملنا الفرض الي علينا و بس و يا رب ارزقنا الخشوع في كل صلواتنا..
و انا بصلي عشان بحس ان ديه اكتر طريقة ممكن اتقرب بيها اوي لربنا غير الدعاء ده غير ان كل واحد فينا بيحاول يعمل اي حاجة يرضي بيها ربنا و يتقرب منه فانا بصلي عشان اتقرب من ربنا اوي و احاول اراضيه و حتى لو كنت متضايقة و محتاجة ربنا اوووي بصلي لربنا و بدعيله عشان بحس انه الوحيد اللي هيقدر يساعدني......
اتمنى ان تكون اعجبتك مشاركتي
و السلام عليكم و رحمة الله و ركاته
سلسبيل الاناضولي


Anonymous said...


بسم الله الرحمن الرحيم
طبعا الصلاة فرض ودايما كان بابا بيقولى ان الصلاة هى الشعرة ما بين المسلم والكافر والصلاة شكل من اشكال الاعلاقة ما بين الرب وعبده
يعنى مثلا لو فى علاقة بين اتنين الواحد دايما بيحب انه ميقطعش ود العلاقة دى فدايما يسالوا ع بعض ويشوفوا احوال بعض ما بال بقى العلاقة بنى وبين ربنا اللى يملك امرى وامر كل اللى حواليا اكيد ولازم ححافظ ع علاقتى به واقويها
وتقريبا كنت سمعت من مصطفى حسنى او معز مسعود مش فاكرة مين بالظبط
ان العبد لما يحب يكلم ربنا يصلى
ولما يحب ربنا يكلمه يقرا القران الكريم

سلمى أسامة


بسمة said...

بصلي علشان الصلاة فرض بس انتوا عارفيت فرض لية؟ علشان حاجات كتير بس اهمها ان الصلاة يا جماعة فعلا بتنهي عن الفحشاء و المنكر.تخيل لما تكون بتعمل حاجة غلط او حرام و تقف اداد ربنا خمس مرات كل يوم بس و انت مركز في صلاتك و عاوز فعلا تقف ادام ربنا,مش هتحس انك بتعمل حاجة غلط؟ اكيد هتحس و هتحاول تصلح الغلط علشان تقف بعد كدة مستريح!! دة رأي



Sameh Noor

لماذا حدد الله عز وجل الصلوات الخمس في مواعيدها التي نعرفها؟
روي عن علي رضي الله عنه، بينما كان الرسول صلى الله عليه وسلم جالس بين الأنصار والمهاجرين، أتى إليه جماعة من اليهود
فقالوا له: يا محمد إنا نسألك عن كلمات أعطاهن الله تعالى لموسى بن عمران لا يعطيها إلا لنبي مرسل أو لملك مقرب،
فقال النبي صلى الله عليه وسلم: سلوا.
فقالوا: يا محمد أخبرنا عن هذه الصلوات الخمس التي افترضها الله على أمتك ؟
فقال النبي عليه أفضل الصلاة والسلام
صلاة الفجر
فإن الشمس إذا طلعت تطلع بين قرني الشيطان ويسجد لها كل كافر من دون الله ، قالوا : صدقت يا محمد فما من مؤمن يصلي صلاة
الفجر أربعين يوما في جماعة إلا أعطاه الله براءتين ، براءة من النار وبراءة النفاق ، قالوا صدقت يا محمد
أما صلاة الظهر
فإنها الساعة التي تسعر فيها جهنم ، فما من مؤمن يصلي هذه الصلاة ، إلا حرم الله تعالى عليه لفحات جهنم يوم القيامة
وأما صلاة العصر
فإنها الساعة التي أكل فيها آدم عليه السلام فيها من الشجرة ، فما مؤمن يصلي هذا الصلاة إلا خرج عن ذنوبه كيوم ولدته أمه ثم تلا
قوله تعالى – { حافظوا على الصلوات والصلاة الوسطى }-
وأما صلاة المغرب
فإنها الساعة التي تاب فيها الله تعالى على آدم عليه السلام فما من مؤمن يصلي هذه الصلاة محتسبا ثم يسأل الله تعالى شيئا إلا أعطاه إياه
وأما صلاة العتمة ( صلاة العشاء )
فإن للقبر ظلمة ويوم القيامة ظلمة فما من مؤمن مشى في ظلمة الليل إلى صلاة العتمة إلا حرم الله عليه وقود النار ويعطى نورا يجوز به على الصراط. فإنها الصلاة التي صلاها المرسلون قبلي


Basmala Zaky.................

بنصلى عشان فرض وصلاة غذاء الروح


Khalid Hassanen..................


انا ماليش دعوه بغيري
انا بصلي علشان اتصل برب العزة عز وجل
الصلاه من الصله والاتصال
انا بصلي أولاً علشان فرض ( وأعبدوا الله خوفاً وطمعاً)
ثانيا علشان اكلم المولى عز وجل واطلب منه واشتكي له واشكرة واحمده في السراء والضراء
انا بحاول اصلي بالشكل دا
مالناش غيره في الدنيا وفي الاخره نطلب منه ونشتكي له ونحمده ونشكره
مش صح والا ايه
ياريت تقولي انتي بقى بتصلي ليه
منتظر ردك
وكل عام وانتم بخير في هذا الشهر الكريم الجليل


Dalia El Gebaly..............

ببساطة لان الصلاه صله
لكن انت بتسلى ليه
افرضى كنت مبصليش
يبقى السؤال محتاج تعديل

ربنا يوفقك


كده اكتملت معظم الآراء اللي اتبعتت لي

ولو تسمحوا لي اقول رأيي انا في الآخر.............

الواحد بيصلي
أولا لان الصلاة هي صلة بين العبد وربه
كيف تتصل بكل الناس وتتحدث إليهم
ولا تقوم لتصلي وتتذكر الله وتخشع له وحده ولو لخمس دقائق في كل مرة تصلي فيها
خمس مرات في اليوم
ليسوا بالكثير على من أعطانا النعم ومازال
ونعصاه ويكرمنا ويسترنا

ثانيا انا باحس ان الصلاة زي المهدأ النفسي
الإنسان في العصر ده بيواجه ضغوط عنيفة جدا يوميا
ولو جينا بحثنا عن الإنسان هنلاقي انه مجموعة من حاجات حساسة اوي
ومشاعر حساسة
واعصاب

بكثرة الضغط بتفقد الإنسان
بيفقد إنسانيته ليتحول لآلة

!!!!!!!!!!!!!!!!!!!!!!!

الصلاة هدوء وسكن
ونوع آخر من الاتصال برب الخلق
فتشعر كأنه-سبحانه-لا يكلم أحدا إلا انت
ولا يسمع لأحد إلا انت

وهذا شعور يحبه البشر
ان تشعر بالملكية
ربي

ربنا لنا كلنا
ولكن لحظة الصلاة
تشعر كأن الله معك وحدك
لأنه قادر على كل شئ

تشعر بالأمان عندما تجد رب هذا الكون يرعاك
عندما تجده يقف إلى جانبك
عندما تدعوه

فهؤلاء جميعهم خلقه
لماذا ينصرك الله على أحد خلقه
إلا إذا كنت تعرف الله
وتتقيه

الصلاة...........تنقية للنفس من الذنوب
او محاولة للتنقية
الصلاة بتنهى عن الذنوب

مع كل مرة بنتوضى فيها بنغسل نفسنا من الذنوب

بنتكسف من ربنا
على كل ذنوبنا

بنحاول نقف
ونرجع
ونقف

وربنا بيحب العبد الخطاء التواب
لانه في الآخر هيتوب بإذن الله

حاجات كتير اوي

شكرا لكم كلكم على تفاعلكم معايا
في التدوينة ديه

:D

جزاكم الله خيرا
يا أهل الإسلام